16 مايو، 2024

الفنانة فاتن السيد و رحلتها مع فن الديكوباچ.

الفنانة فاتن محمد السيد حاصلة على ليسانس اداب جامعة القاهرة
تحب الرسم والالوان كانت تشارك في كل مسابقات الرسم المدرسية و تفوز فيها.
ولكن توضح قائلة :انشغلت بدراستي في المرحلة الثانوية الفن كان هواية محتاجةأنميها وبدأت فعلا أنميها من حوالي سنتين
كنت حاسة اني ناقصني حاجة مش عارفة ايه هي حاجة تديني طاقة ايجابية
حسيت اني لازم ارجع ارسم زي زمان
وفعلا رجعت اشتغل اخدت ورش عمل في فنون ما كنتش اعرفها قبل كده زي الديكوباچ والريزن.
ابني الأكبر ساعدني ودعمني مع أفراد أسرتي وأصدقائي
ثم بعد ذلك حبيت اطور نفسي في الرسم لأني بحبه طوال عمري وحصلت على دبلومة رسم علي ايدي متخصصين.

اما حاليا بدأت الفنانة فاتن برسم الرصاص واكريليك وزيت وبرسم علي ورق الذهب وشغل ابستراكت وtexture painting
في خطواتها للرسم بالفحم والباستيل.

توضح الفنانة فاتن محمد :ان لا يوجد خامة لا اعرف استخدمها وده بالنسبالي التميز
و حاليا بشتغل بخامات كتير جدا وبشتغل علي نفسي وبحاول اصنع خاماتي بنفسي زي عجينة السيراميك والوان الاكريليك ومستمرة باذن الله لان الفن هو الشئ اللي بستمد منه السعادة فلم يكن ولن يكون عائق ابدا.
اما جانب مشاركتها في المعارض:
شاركت في (معرض الابتكار الدولي الاول ) قاعة الاهرام للفنون
(والابتكار الدولي الثاني) قاعة الاهرام للفنون
( هارموني) صالون الاهرام الشتوي
(ريشة عالمية بايدي عربية) ساقية الصاوي
( رمضان من كل مكان) جريدة الاهرام
( ملتقي الصحبة) المركز الثقافي الروسي
وتعرب عن أن اعمالها لاقت استحسان من الفنانين التشكيليين البارزين.
وتحاول دمج الفنون التى تعلمتها لاخراج عمل فني مميز
ومستمرة بتشجيع اسرتها واصدقائها وبتشجيع الفنانين التشكيلين الذي اثنوا علي أعمالها