الفنانة التشكيلية ملك ربيع ومشاركتها في معرض Art Fantasia
الفنانه ملك ربيع
عندي 17سنه من الشرقيه
من مدينه العاشر من رمضان
بحب الفن بشكل عام
وبالأخص الرسم
والتعبير بالرسم عن مشاعري وعن الأجواء المحيطة بيا
بدأت ارسم من حوالي تلت سنيين
وبدأت اشوف الحاجه اللي ممكن تطور مني
ف حبيت فكره المعارض
وكنت برسم بخامه الرصاص والفحم
وشاركت ف اول معرض ليا بلوحه تحت مسمي “الكتمان الداخلي ”
واستخدمت فيها الرصاص والفحم
وحبيت أطور اكتر ف قدمت ف معرض تاني
بس دخلت الألوان المائيه مع الرصاص والفحم
وقدمت بلوحه تحت مسمي “اطفال بدون طفوله”
وبعد كده اتعلمت خامه الالوان الزيتيه
وعملت اخر لوحه ليا بالالوان الزيتيه
صورة العمل:-
تحت مسمي “حريه” اللي كانت عباره عن
رسمه ل بنت بس بتقنيه الايمباستو
وكان باين على ملامح البنت الهدوء والراحة والحريه
وقدمت فيها ف معرض art fantasia
والحقيقي المعرض كان تحفه كالعاده
وكل حاجه كانت منظمه واتبسطت جدا واتعرفت على ناس جديده
وخدت افكار جديده واستفدت من النقد جدا
ومن رأي دكتور عادل بنيامين جدا جدا حقيقي
والحمدلله فازت لوحتي بشهاده التمييز
واتكرمت مرتين وكنت مبسوطه جدا
والأجواء كانت جميله
وكل الشكر ل الاعلاميه الاء الرفاعي على تنظيمها للمعرض
وان شاء الله اللي جي احسن ب افكار جديده
واتمني ف المستقبل احقق حلمي ويبقي عندي مرسم اعرض فيه لوحاتي واعلم فيه الرسم بشكل اكاديمي .
إعداد /مي جمال
