ماذا عن الفنانة معَزة علي….

انا مَعزة علي (تينا) بدايتي في الرسم كانت في اوائل عام ٢٠٢٠ وكنت برسم رسومات عشوائيه زي رسومات الاطفال او اقل
وكانت مجرد نوع من كسر الملل بعدها فتحت فديوهات على اليوتيوب وعرفت عن اقلام الرسم اكتر استمريت في الرسم المتقطع لحدي ماقابلت زميله مدحت رسمي لدرجة انى بدأت الرسم بشكل جدي.
وبدأت برسم البورتريه وخلال ٦ رسومات فقط في نفس العام بدات اشوف اني اتطورت بصوره كبيره ولقيت مدح كبير من نفس الاشخاص الكانو شايفين اني بضيع وقت .

حاولت كتير اني اشارك رسمي و ادخل في معارض لكن بسبب خوفي من اراء الناس ومقارنة نفسي باصدقائي الرسامين ترك الرسم لقرابت ال ٦ اشهر الي ان سمعت عن مسابقه الابتكار الفني الدولي والتي اعادة لي الحماس وبدات ارسم مره اخره وفي خلال يومين قدرت إني ارسم رسمه كانت بتاخد مني تلاته اشهر على الاقل وبعدها قررت تغير الرسمه لمستوي افضل . بعدها بدات في كل انواع الرسم المتاح امامي من رصاص ،لزيتي ، وغيره .
وتغير مفهوم الرسم عندي من مصدر مدح واظهار شخصيتي الي منفذ لافكاري وخيالي .