الفنانة إسراء صبحي ومشاركتها في معرض فنون وعصور
إسراء صبحي من محافظة دمياط عندي ١٥ سنة
من ٦ سنين بدأت موهبة الرسم عندي تطلع للنور طول عمري مقتنعة إن الرسم بيلون حياة فنانه
بدأت في الأول أصدق نفسي اني موهوبة اشتغلت على نفسي كتير اتعلمت الأساسيات خطوة بخطوة و مع كل رسمة كنت بتعلم حاجة جديدة و حبيت أطور من نفسي اكتر بدأت أحضر ورش للموهوبين
أول مسابقة اشتركت فيها جبت مركز أول و بعدين اشتركت في معارض كتير زي ريشة فنان و ملتقى نفرتيتي للفنون التشكيلية و معرض زايد للإبداع دا غير معارض تانية تابعة للإدارة التعليمية بمحافظتي و ايفينات تانية زي OCD و كنت في كل مرة بطور من نفسي أخدت شهادات تقدير و جوايز كتيرة كل دا كان بيزود طموحي و اقتناعي ان هكون في مكان كويس و احسن بكتير ان شاء الله
بجد متوقعتش المعرض يكون بالحلاوة دي انا اول مرة اشترك معاكى بس حقيقي يوم جميل وناس جميلة بجد ما شاء الله عليكي اليوم القمر ده بتعبك ومجهودك والتنظيم كان حكاية التكريم والشهادة كانوا مميزين جدا وفكرتهم مختلفة بجد تعبك كان باين جدا في اليوم ده كل المشاركين فى المعرض الفرحة كانت فى عيونهم اليوم ده مش هنساه بجد شكراً اوي على تعبك معانا
صورة العمل..
