15 يونيو، 2024

انا أمل عبد الله مواليد ٩/٧/١٩٩٣
أنا من ذوي الهمم (قدرات خاصة) هويتي المفضلة الرسم 🎨
كان عندي ١٢ سنة لما بدات ارسم و كنت برسم حاجات بسيطة من النت و واحدة واحدة ابتديت اتحسن بعد كده اتعلمت شغل الايتامين و الكنافاه والتريكو و الكروشيه لكن كملت ف الرسم واتعلمت اساسياته بعد كده ف ٢٠٢١ اشتركت في مبادرة (لسة نوارة) و بعديها ربنا وفقني و اتعملي معرض خاص بأسم (فنون امل) و كان يوم١٦/٢/٢٠٢٢ بعد كده اشتركت ف معارض كتير و كنت بتكرم فيها
امنية حياتي ان افتح مكان خاص لكل الفنانين و اسميه (فنون أمل) و ابقى سبب ف تشجيع ليهم


معرض جميل جدا و منظم و الاء بجد مميزة و مش منسقة معارض لاء فنانة معارض بتعمل من الولا حاجة حاجة بتطلع فيها لمستها الفنية
صورة العمل..

المرة دي لوحتي عن الفرشات بطريقة جديدة حبيت اعمل ملمس جديد معملتوش قبل كده حطيت نشا وجليتر على اللون و سبب حبي للفراشة انها بالوان كتيرة و بتحب الطبيعة و بتسيب اثرها ف كل مكان