الفنانة التشكيلية سيسيل هاني ومشاركتها في معرض Be Art
أنا سيسيل عندى ٢٣ سنه حبي للرسم بدأ من وانا طفله بخلط الألوان مع ماما فى اللوحات المدرسية أو لمادة الرسم واستخدام خامات مختلفه فى اللوح زى الرمل وكنت بلونة بألوان مائية وزى الرسم على الأزاز زى أنى ممكن أحط خرز فى اللوح لو حسيت أن دة هيخليها أحلى…
لما كبرت الموضوع أتطور معايا وبقيت وسيله تعبير ليا بحبها دايماً وفى أى وقت زعلانه ، فرحانه ، محبطه ، زهقانه
بحب أجرب أنواع كتير من الرسم حتى لو مش النوع اللى بحبه أو متعودة عليه بحس أنه مينفعش الفنان يحصُر موهبته فى نوع رسم معين لازم يجرب دايماً
صورة العمل.
..
اول لوحه هى لوحه أكريلك على كنافا رسمت فيها المرأة بشكل فيه ثقه فى نفسها برأسها المرفوعه وفى نفس الوقت modern
تانى رسمه هى خليط بين الزيت والكنافا ومرسومه بالخيط الرسمه أسمها
the love
أنا حابة أشكر حضرتك جدا على تنظيم المعرض بالشكل الرائع دة وعلى أن فيه تصوير وصحافه وناس فعلاً يهمها الفن والفنانين وحضرتك فعلاً بتعملى كل حاجه بكل حب
