21 مايو، 2024

الفنانة حبيبة رضا وتجربتها في معرض الإبتكار الفني الدولي الثالث

أسمي حبيبة رضا من القاهره
٢٠ سنه
بدرس في جامعة عين شمس في الفرقه الاولى تخصص :تربيه قسم فنون وقسم Special education and learning difficulties

برسم فن الماندالا وهو عباره عن زخارف ومجموعة كبيرة من الاشكال الهندسية المتداخله فن من قديم العصور ومش مشهور للأسف فا حبيت اني ابقي مختلفه واتجهه للفن ده
بيستخدم في حاجات كتير جدا وأهمهم العلاج بيه بيساعد علي تخفيف التوتر والقلق وبيساعد انه يقلل من الاكتئاب النفسي وساعدت بيه اطفال كتير وعلمت ناس
كان اكبر داعم ليا والدي الله يرحمه وبعده امي وإخواتي وخطيبي واصدقائي المقربين
الصعوبه اللي كنت بواجهها اني مكنتش لاقيه اي حد يساعدني او حد يعلمني حتي علي اشهر المواقع مفيش فديوهات تعليميه كافيه ولا في كورسات للنوع ده من الفن علشان كده حابه جدا اني اقدر اعلم النوع ده من الفن واشتغلت علي نفسي حتي علمت نفسي بنفسي
و الآن شاركت في معارض وتكرمت من اشهر واعلي الفنانين ثم اصبح ليا مقالات في جرائد معروفه ومواقع في جوجل
عُرضت بعض رسوماتي في معرض الابتكار الدولي الثاني والثالث ومعرض ملتقي المبدعين الدولي ومعارض جامعه عين شمس لكلية تربية فنيه ومعرض مصر الحضاره وتم تكريمي بفضل الله وتم عرض أعمالي في اغلب جرائد الفنون مثل جريده الوطن والاهرام وجريده الوطن العربي وجريده الطريق وتم تكريمي من مجله ايفرست الأدبية وعده أماكن آخري حتي ان وصلت إلي هنا

دي اللوحه اللي شاركت بيها في معرض الابتكار الدولي الثالث
الخامات المستخدمة أقلام تحبير روترينج
ولون مياه أصفر الأخضر
حجم اللوحه 70×80
اللوحه تتحدث عن تعاشق الفني للأشكال الهندسيه المتداخلة
وتتحدث عن مبادئ وأسس التصميم
ويوجد بها تفاصيل اثريه مستوحاه من زخارف الفن الإسلامي
المعرض كان من أحسن المعارض اللي شاركت فيها والتنظيم كان كويس جدا. وخصوصا اني اشتركت في المعرض مرتين وده يدل علي إعجابي الشديد بطريقة تنظيم والاهتمام بالمعرض