26 مايو، 2024

الفنانة دينا السيد وتجربتها في معرض الإبتكار الفني الدولي الثالث للفن التشكيلي

الاسم: دينا السيد عوض ابو الرايات
السن:20سنه
كلية: 2تربيه نوعيه موسيقي
محافظة:الغربيه
كنت بحب الرسم من وانا صغيره ولكن بدأت اهتم بالرسم واعشقه من سن ال16 سنه كنت بتفرج ع فيديوهات من اليوتيوب عشان احسن مستوايا وبعد كده روحت قصر ثقافه المحله الكبري وشاركت هناك ف معرض
وكل م الوقت بيفوت عشقي للرسم بيزيد لان بلاقي نفسي فيه بمعني ان بطلع ال جوايا ف الرسم وبعد كده بدأت اتطور من نفسي كنت برسم رصاص بس بقيت برسم وبستخدم الوان زيت واكريليك وجواش وألوان ميه
وكمان برسم رسومات جداريه وبرسم على الملابس بحب افنن ف اي حاجه قدامي بحس بسعاده كبيره بعد م بخلص رسمتي ومأخدتش كورسات كنت بطور من نفسي
وكان حلمي ادخل فنون جميله بس للأسف محصلش نصيب بس بردو مبعدتش عن الرسم بل زاد حبي له وتعلقي الشديد به واتطورت اكتر من الاول
والداعم الاول ليا ف البدايا كانت انا ايوا كانت انا بس بعد كده لم بدأت اتطور ودخلت الكليه كان اول حد خالي و اهلي وصحابي بدأو يدعموني ويفتخرو بيا
واشتركت في*”معرض عيون بقصر محمد علي”* قبل معرض الإبتكار

*ولوحتي في معرض الإبتكار الفني الدولي الثالث كانت “فن تعبيري” تصوير زيتي مستخدمه الوان زيت وورق دهب وكانڤس وكانت فتاه معصوبة العينين وتمسك ف ايديها ميزان للعدل وورائها طيب يدل ع الحريه ولون الفستان ابيض ليدل ع السلام وعنوان الرسمه “تحقيق العداله”*
المعرض كان جميل جدا من احسن المعارض ال حضرتها لحد الاان وباءذن الله دايما معاكم