الفنانة مريم هشام وتجربتها في معرض الإبتكار الفني الدولي
انا مريم هشام من محافظه القاهره مدرسه راهبات الكرمليت انا في ثالثه ثانوي عندي 17 سنه اشتركت في معرض قبل كده موعد الابتكار الفني الدولي تابع الاستاذه الاء الرفاعي ومعرض انا المصري وكمان كان في معارض في المدرسه بتاعتي كنت مشتركه فيها بدات ارسم من تقريبا حوالي ثلاث سنين او اربع سنين بدات في حصه الرسم في المدرسه ومن هنا مدرستي بدات تكتشف ان انا عندي موهبه الرسم وانا كمان اكتشفت ده وبدات ارسم حاجات اكثر واكثر و بدات اتعمق في رسم اكثر ماخدش اي كورسات لتطويري في الرسم انا كل شغلي كان على نفسي ولو في حاجه عايزه اتعلمها ممكن افتح يوتيوب واطور من نفسي فيها وطبعا كان في دعم كبيره اوي من اهلي ومدرستي وصحابي كمان في اني أطور و ابقي احسن دايما
مقاس اللوحه 35*25
اللوحه دي هي عباره عن شخصيه حقيقيه واستخدمت فيها هذه الالوان لان الازرق يدل على السلام والقوة والاعتماديه
الأزرق الفاتح بيعبر عن صفاء النية من صفاء السماء و بيعبر عن الكرامة من مياه البحر ثابتة.
الأزرق الغامق من قوة موج البحر حين يثور ويتموج فيأخذ الأخضر واليابس
و استخدمت فيها الوان خشب
مقاس اللوحه 35*25
اللوحه عباره عن بنت صغيره بتفكر بهدوء و في نفس الوقت أنا مجسده الافكار بتاعتها في الوشوش ان كل وش من الوشوش دول فكره من الافكار اللي في دماغها
و استخدمت فيها الالوان الخشب
اولا انا عرفت المعرض من وجودي في المعرض مع واحده صاحبتي وبعدين لما عرفت ان هو اتعمل ثاني قررت ان انا اشترك فيه بجد المعرض حلو جدا والاستاذه الاء الرفاعي كانت عامله شغل جامد اوي وتيم التنظيم كله كان متعاون معانا وكانوا منظمين المعرض جامد وكان الدنيا كويسه وكانت ماشيه تمام اوي كل حاجه كانت perfect
