26 مايو، 2024

الفنانة مى أحمد وتجربتها في معرض الإبتكار الفني الدولي الثالث للفن التشكيلي

-الاسم : مي أحمد إبراهيم
-السن : 20 . -محافظه:القاهره.
-بدرس فى كلية تربيه قسم فيزكس جامعه عين شمس ، فرقه رابعه
-عندي موهبة الرسم و بحاول اطورها ، ماما و بابا اكتشفوا الموهبة دى و انا صغيره كان عندى 5 سنين تقريبا و بدأو يهتمو ب الموضوع اكتر لحد ما اتطورت الحمد لله
-شاركت فى المعرض ب رسمتين

*اول واحده بتتكلم على الفراعنه بسبب الجدل اللى حصل على أصول الفراعنه و ان هما مش مصريين و بشرتهم لونها غامق جدا
ف انا رسمت ايزيس ب بشره قمحي تدل على أن اصول الفراعنه مصري و رسمت وراها نقوش هيروغليفيه تدل على الحضاره الفرعونيه و اختارت ايزيس لأنها تميزت ب صفات كتير ( آله الجمال و الحب و الحرب و القوه و الخصوبه ) ..

*تاني رسمه كانت مانديلا و هى عباره عن فن زخرفه و ان احنا من أشكال صغيره نكون شكل كبير منسق و الشكل الكبير ده فى النهايه بيكون دايره أو مربع ،انا اعتمدت شكل المربع و ضيفت ليها ظل و نور بحيث انها تبان مجسمه .
-لسه بتمنى ان اطور الموهبه دى اكتر و ارسم أنواع اكتر و أشارك في معارض كتير
-معرض الابتكار ده اول معرض أشارك فيه و كان خطوه مهمه بالنسبالى و تجربه جديده
فرحت بمشاركتي فيه و بالتكريم. شكرا جدا لكل تيم التنظيم