19 مايو، 2024

الفنانة نورهان السعودي ومشاركتها في معرض الإبتكار الفني الدولي الثالث للفن التشكيلي

نورهان محمد السعودي البدراوي
من طنطا عندي 23عام
اكتشفت موهبة الرسم وانا عندي 7 سنوات، ماما كانت الداعم الأساسي
واخواتي اصحابي شجعوني جدا
بدأت اهتم بالموهبة لما كان عندي كانت 11 سنه وبدأت اتعلم خطوة خطوة الحاجات اللي نقصاني
وشاركت في منتدى سحر الألوان
والسلام الدولي عبر السوشيال ميديا وتم تكريمي مرتين وكانت اول مشاركه ليا في معرض الابتكار الفني الدولي بحضور الفنانة سميرة عبد العزيز، والفنانة سالي الجوهري تحت إشراف الفنانة آلاء الرفاعي وكان بتشجيع بعض الناس الغالين جدا لان انا م الصعب اني اخد خطوه جديده م غير ما حد يشجعني

اللوحة مقاس 70*50 وأستخدمت فيها الألوان الاكليريك ومعجون و بتعبر عن الحرية والجمال والسلام بحيث ان الورده لو قطفناها بتدبل وتموت وكذالك الطيور لو تم اصطيادها بتموت والطيور بترمز للحريه والسلام
فالاتنين بيشتركوا فالنقطه دي لو كل بشري تركهم هيكونوا حرين وهينشروا الجمال والسلام
معرض الابتكار الفني الدولي الثالث كان حلو جدا واستفدت كتير واتعرفت على ناس حبيتهم اوي وكان معرض ناجح طبعاً والاء وأنتم بذلتوا مجهود كبير